Yaxın gələcəkdə Azərbaycan qazının Serbiyaya tədarük həcmi artırıla bilər, hazırda tərəflər bu məsələni müzakirə edirlər.
Bu barədə jurnalistlərə əmək və əhalinin sosial müdafiəsi naziri Sahil Babayev məlumat verib.
“Azərbaycan qazının Serbiyaya tədarükünə bu il başlanılıb və bu ölkəyə artıq 26 milyon kubmetrdən çox qaz göndərilib. Hazırda tədarük həcminin artırılmasına dair müzakirələr aparılır. Ümid edirəm ki, bu imkanlar yaxın gələcəkdə reallaşacaq”, - S.Babayev bildirib.
Xatırladaq ki, 2023-cü ilin noyabrın 15-də Bakıda Azərbaycan Dövlət Neft Şirkəti (SOCAR) və “Srbijagas” arasında 2024-cü ildə Serbiyaya 400 milyon kubmetrə qədər qazın nəqli haqqında müqavilə bağlanıb. 2024-2026-cı illərdə Serbiya Azərbaycandan illik 400 milyon kubmetrədək qaz alacaq, 2027-ci ildən etibarən tədarükün həcmi 1 milyard kubmetrədək artacaq.
Dubravka Jedoviç: “Serbiya və Azərbaycan qaz elektrik stansiyalarını inşa etmək imkanını nəzərdən keçirirlər”
Aİ Azərbaycandan qaz almaq imkanlarını genişləndirmək istəyir
Pərviz Şahbazov: "Azərbaycan SGC-nin genişləndirilməsini qarşıya məqsəd qoyub"
Rusiya qazı Ermənistana müvəqqəti olaraq Azərbaycan ərazisindən nəql ediləcək
Azərbaycan Avropaya qaz tədarükünü artıracaq