Daxili İşlər Nazirliyi avtobus zolağına daxil olan sürücülərə xəbərdarlıq edib.
Bu barədə nazirlikdən məlumat verilib.
Bildirilib ki, sərnişinlərin marşrutlar üzrə hərəkətinə maneə yaradan avtomobillər müəyyən olunaraq barələrində inzibati tədbirlər görülür:
"Zolaqlar üzrə hərəkət üstünlüyünə malik avtobuslarda olan vətəndaşları gecikdirən halların aradan qaldırılması üzrə inzibati tənbeh tədbirləri ilə yanaşı təbliğat-maarifləndirmə işi təşkil olunub.
Tədbirlərdə avtobus zolağına daxil olaraq ictimai nəqliyyatın hərəkətinə maneə yaradan sürücülər saxlanılır, onlarla profilaktik söhbətlər aparılır və mövcud qanunvericiliyin tələbləri barədə məlumatlar verilir. Etdikləri qanun pozuntusunun digər vətəndaşlarımıza yaratdığı çətinliklər izah olunmaqla bu halın yüzlərlə vətəndaşın gecikməsinə və hərəkət intensivliyinə təsir etdiyi onların diqqətinə çatdırılır.
Bir daha vurğulayırıq ki, ictimai nəqliyyatdan istifadə edən şəxslərə hörmətlə yanaşılmalıdır. Qaydalara əməl etmək şəhərin nəqliyyat şəbəkəsində hər bir sürücünün əsas vərdişi, davranışı və intizamı olmalıdır".
Bu sürücülərin DİQQƏTİNƏ: 40 manat cərimə oluna bilərsiniz
DYP-dən sürücülərə MÜRACİƏT
Bakı-Sumqayıt yolunda cəza tədbirləri sərtləşdiriləcək
Saatlıda məktəblilər avtobusda dəm qazından zəhərləndi
Bakıda daha bir marşrutun hərəkət sxemi dəyişdirildi