İsa Həsənoğlunun Söhbətcil duyğuları təqdim edildi

26 Noyabr 2016-cı ildə Beynəlxalq Mətbuat Mərkəzində Azərbaycan Yazıçılar Birliyinin və Dünya Gənc Türk Yazarlar Birliyinin üzvü, gənc yazar İsa Həsənoğlunun yeni çapdan çıxmış "Söhbətcil duyğular" adlı şeirlər kitabının təqdimat mərasimi keçirilib. Müasir ədəbiyyatımızın nüfuzlu simalarından olan Dayandur Sevgin, Balayar Sadiq, Qəşəm Nəcəfzadə, Əkbər Qoşalı, Əvəz Qurbanlı, Nuranə Nur və eləcə də, gənc qələm sahibləri Nofəl Ümid, Gülnar Səma, İltimas Səmimi, Pərviz Arif, Sevil İşıq, Sərvər Kamranlı, Emil Hacıyev və bir çox ziyalıların iştirak etdiyi tədbirdə gənc yazarın yaradıcılığı geniş müzakirə olunub. Tədbirin sonunda müəllif oxucularına imzalı kitab təqdim edib və xatirə şəkilləri çəkdirib. Qeyd edək ki, "Söhbətcil duyğular" kitabı İsa Həsənoğlunun oxucuları ilə ikinci görüşüdür.