Türk Dünyası Jurnalistlər Federasiyasının rəhbəri Menderes Dəmir Jurnalistika fakültəsində oub

Türk Dünyası Jurnalistlər Federasiyasının rəhbəri Menderes Dəmir Jurnalistika fakültəsində oub
Bu gün Bakı Dövlət Universitetində Türk Dünyası sənədli filmlər festivalının Azərbaycandan olan qaliblərinin mükafatlandırılma mərasimi keçirilib. Tədbiri giriş sözü ilə açan rektor, akademik Abel Məhərrəmov Türk Dünyası Jurnalistlər Federasiyasının təşkil etdiyi Türk dünyası sənədli filmlər festivalını türk dövlətləri arasında əməkdaşlıq istiqamətləri, təcrübə mübadiləsi, ən əsası isə xalqların bir-birinə daha sıx şəkildə inteqrasiyası baxımından olduqca önəmli olduğunu bildirib.
Tədbir sonrası Türk Dünyası Jurnalistlər Federasiyasının rəhbəri Menderes Dəmir və “Doğma ocağı” filmi ilə 3-cü yerin qalibi rejissor Rodion İsmaylov Jurnalistika fakültəsində olub. Jurnalistika fakültəsinin dekan əvəzi, professor Cahangir Məmmədli qonaqları fakültədə görməkdən məmnunluğunu ifadə edərək fakültənin fəaliyyət istiqamətləri, tədris olunan fənnlər, tələbələrin praktik əlaqələri və istehsalat təcrübələri barədə məlumat verib.
Görüş zamanı Jurnalistika fakültəsininTürk Dünyası Jurnalistlər Federasiyası ilə əlaqələrinin yaradılması, növbəti film festifalında Jurnalistika fakültəsi tələbələrinin iştirakı kimi məsələlər müzakirə edilib. Türk Dünyası Jurnalistlər Federasiyasının rəhbəri Menderes Dəmir Bakı Dövlət Universitetinin, həmçinin jurnalistika fakültəsinin qazandığı uğurları təqdir etdiyini və təmsil etdiyi təşkilatın əməkdaşlıqda maraqlı olduğunu bildirib.
Daha sonra Juranalistika fakültəsi elmi işlər üzrə dekan müavini Sevinc Əliyeva və Televiziya və radio studiyasının redaktoru Leyla Rəşid qonaqları müasir texniki avadanlıq və vasitələrlə təchiz olunan Bakı Dövlət Universiteti televiziya və radio studiyası, BDU radionun yayım texnologiyası və iş prosesi ilə tanış ediblər.
Görüşdən məmnunluğunu ifadə edən M.Dəmir Bakı Dövlət Universitetinin Jurnalistika fakültəsi,o cümlədən Televiziya və radio studiyası ilə əməkdaşlıq əlaqələrinin uğurlu olacağına əminliyini ifadə edib.