ABŞ və İsraildən olan beynəlxalq alim qrupu Altsheymer xəstəliyi ilə 1-ci tip sadə herpes virusu (HSV-1) arasında gözlənilməz əlaqə aşkar ediblər. Bu nəticələr göstərir ki, virus infeksiyaları neyrodegenerativ xəstəliklərin inkişafında əsas rol oynaya bilər.
Bununla bağlı "Cell Reports" jurnalında məqalə dərc olunub.
Alimlərin sözlərinə görə, HSV-1 virusu beyində tau zülalının səviyyəsinə təsir edə bilər. Ənənəvi olaraq Altsheymer xəstəliyində zərərli hesab edilən bu zülal əvvəlcə beyni virus infeksiyasından qorumağa kömək edir, lakin sonradan neyronların zədələnməsini daha da ağırlaşdırır.
"Bizim işimiz tau zülalının yalnız zərərli olması haqqında mövcud təsəvvürə meydan oxuyur və göstərir ki, erkən mərhələlərdə o, beynin immun müdafiəsinin bir hissəsi ola bilər," - deyə müəlliflərdən biri qeyd edib.
HSV-1-in tau zülalına və Altsheymer xəstəliyinin inkişafına təsirinin dəqiq mexanizmləri hələ də aydın olmasa da, alimlər əlavə tədqiqatlar planlaşdırırlar. Onlar virus zülallarına yönəlmiş terapevtik strategiyalar hazırlamağı və beynin immun cavabını tənzimləməyi nəzərdə tuturlar.
Bundan əlavə, tədqiqatçılar Parkinson xəstəliyi kimi digər neyrodegenerativ xəstəliklərdə oxşar mexanizmlərin iştirak edib-etmədiyini öyrənəcəklər.
Alimlər Altsheymer xəstəliyinin dərmansız müalicə etməyin yolunu tapıblar
Dişləri yumaqla Altsheymer xəstəliyi arasında əlaqə müəyyən edildi
Hər gün bir fincan qəhvə sizi bu xəstəlikdən xilas edə bilər
Alimlər Parkinson xəstəliyinin ilkin əlamətlərini müəyyən ediblər
Həftədə cəmi bir neçə yumurtanın insanı qorxulu xəstəlikdən necə qoruduğu öyrənilib