Ermənistan xarici işlər naziri Ararat Mirzoyan bəyan edib ki, ATƏT-in Minsk Qrupu İrəvanla Bakı arasında sülh sazişi imzalandıqdan sonra buraxıla bilər.
O, bu barədə Antalya Diplomatik Forumu çərçivəsində Azərbaycanın xarici işlər naziri Ceyhun Bayramovla müzakirə zamanı bildirib.
Müzakirə zamanı Ceyhun Bayramov Ermənistanla sülh müqaviləsi imzalanması yolunda iki maneə olduğunu bildirib. O, ATƏT-in Minsk qrupunun buraxılması və Ermənistan Konstitusiyasının dəyişdirilməsinin zəruriliyini bir daha vurğulayıb.
Öz növbəsində, Mirzoyan ATƏT-in Minsk qrupunun formatı ilə bağlı İrəvanın mövqeyini açıqlayıb.
"Münaqişə yoxdur, amma kağız üzərində razılaşma yoxdur. Həll yolu bizə bəllidir. Biz saziş imzalamalıyıq, elə həmin gün də Minsk strukturunu ləğv etməliyik", - Mirzoyan vurğulayıb.
Yada salaq ki, Rusiya, ABŞ və Fransanın həmsədrliyi ilə ATƏT-in Minsk Qrupu 1992-ci ildə Qarabağ münaqişəsinin həlli üçün yaradılıb.
Bu ilin martında Bakı və İrəvan sülh sazişinin mətni üzrə müzakirələri başa çatdırıblar. Ermənistan Azərbaycanın son olaraq iki bənd üzrə təkliflərini də qəbul edib. İndi İrəvan öz konstitusiyasına dəyişiklik etməlidir.
Sülh müqaviləsində hansı bəndlər var? - Mirzoyan detalları açıqladı
SABAH BAKI VƏ İRƏVAN ARASINDA QARABAĞ GÖRÜŞÜ KEÇİRİLƏCƏK
Paşinyan Əliyevin bu tələbinin icrasına başlayır - Qarabağla bağlı tarixi gediş
"Artıq onların pensiya vaxtıdır" - İlham Əliyev
Ceyhun Bayramov Ermənistan XİN rəhbəri ilə görüşdü