5B SİNFİNİN FƏXRİ

Azərbaycanda iqtisadi, sosial tərəqqi ilə yanaşı, bədən tərbiyəsi və idman da inkişaf edir. Azərbaycan Prezidenti İlham Əliyevin idmana göstərdiyi diqqət və qayğının nəticəsidir ki, ölkəmizdə 27 Olimpiya İdman Kompleksi fəaliyyət göstərir, bir neçə idman mərkəzi tikilməkdədir. İdmançılarımız ölkəmizin şərəfini yerli və beynəlxalq yarışlarda layiqincə qoruyur, bayrağımızı yüksəklərə qaldırırlar. Kikboksinq, boks, güləş, cüdo, voleybol və digər idman növlərində azərbaycanlıların qazandığı medalların sayı artmaqdadır.




Bu gün haqqında söhbət açmaq istədiyimiz Elçin Quliyev də az yaşı olmasına baxmayaraq kikboksinq idman növü ilə məşğul olan bacarıqlı idmançılarımızdan biri olacaqdır. Elçin Texniki Humanitar Liseyin 5B sinifində təhsil alır. Kikboksinq idman növü üzrə dəfələrlə birinci yerə layiq görülüb, kubok və fəxri diplomlarla təltif olunub. Elçinin idman sahəsinə bu qədər marağının olmasına baxmayaraq o dərsləri ilə də çox yaxşı məşğul olur. Bütün müəllim kollektivi və məktəb rəhbərliyi Elçinlə qürur duyur.

Bizdə 5B sinifinin sinif müəllimi Aygün Qurbanova, dəyərli şagirdləri, valideyn kollektivi və ən əsası Hemlemedia.az Xəbər Portalı adından Elçin balamıza uğur və müvəffəqiyyətlər, yeni-yeni nailiyyətlər arzu edirik. Hər birimiz bu uğurların davamlı olacağına inanırıq.






HEMLEMEDİA.AZ