Ermənistan hakimiyyətinin faşizm siyasətini ifşa edən sənədli filmin təqdimatı keçirildi

hemlemedia.az saytı asanradio.az -a istinadən xəvər verir ki, bu gün Azərbaycan Dövlət İqtisad Universitetində Qeyri Hökümət Təşkilatlarına Dövlət Dəstəyi Şurasının maliyyə dəstəyi ilə həyata keçirilən Ermənistan hakimiyyətinin faşizm siyasətini ifşa edən “Faşistin dosyesi” adlı sənədli filmin təqmatı keçirilib. Mərasimdə Dövlət İqtisad Universitetinin rəhbərliyi və tələbələri, həmçinin filmin yaradıcı heyəti iştirak edib.

ASAN Radio xəbər verir ki, filmdə XX əsrin əvvəllərində Azərbaycana məxsus Naxçıvan, Zəngəzur və Qarabağ bölgələrində dinc azərbaycanlılara qarşı soyqırımların törədilməsinə rəhbərlik etmiş və həmin cinayətlərin həyata keçirilməsində şəxsən iştirak etmiş erməni terrorçusu Qaregin Njdedən bəhs edilir.

Qaregin Njde II Dünya müharibəsi dövründə Hitler Almaniyasına köçərək faşist ordusunun tərkibində “Erməni legionunun” yaradılmasında iştirak edib.

Njde terrorçu “Seqakronutyun” təşkilatının yaradıcısı olub.

Filmdə erməni generalının terrorçu və faşist olduğunu göstərmək üçün tarixi arxiv faktlarına, ABŞ-ın Mərkəzi Kəşfiyyat İdarəsinin sənədlərinə istinad olunur.

O da vurğulanır ki, 28 may 2016-cı il tarixdə Ermənistanın paytaxtında, Azərbaycanın qədim torpağı olan İrəvan şəhərinin mərkəzində Njdenin heykəlinin ucaldılması Ermənistan hakimiyyətinin faşizm siyasətini dəstəklədiyini, müasir dünyanın faşizm təhlükəsilə üz-üzə dayandığını göstərir.

Qeyd edək ki, “Faşistin dosyesi” sənədli filminin elmi redaktoru millət məkili, AMEA Qafqazşünaslıq İnstitutunun direktoru, professor Musa Qasımlı, layihənin rəhbəri “Vətən uğrunda Şəhid Ailələri və Milli Qəhrəmanlar” ictimai birliyin sədri Zərifə Əsgərova, məsləhətçi Müharibə Veteranı Qadınlarına Sosial Yardım ictimai birliyinin sədri Radə Abbas, ideya, ssenari müəllifi və rejissor Etibar Məmmədov, direktor isə Büllur Cavadqızıdır.