Borçalı Cəmiyyəti təmsilçiləri İsveçə dəvət olundular

Dekabrın 4-dən 11-dək İsveçdə Güney Azərbaycan Konqresi və bir qrup milli fəalların təşkilatçılığı ilə növbəti dəfə "21 Azər Həftəsi" keçiriləcək. Bu haqda redaksiyamıza Borçalı Cəmiyyətinin İH-nin üzvü , Ümid Partiyasının sədr müavini Rüfət Muradlı məlumat verib. Rüfət Muradlı bildirib ki, dekabrın 4-də İsveçin Goteborq şəhərində soydaşlarımızın təşəbbüsü ilə başlanan 21 Azər mərasimində Azərbaycandan Borçalı İctimai Cəmiyyətinin sədri Zəlimxan Məmmədli və mən iştirak edəcəyik. Bu həftə ərzində İsveç XİN və parlamentində Azərbaycan və Borçalı Elimizlə bağlı görüşlərimiz planlaşdırılıb. Dekabrın 9-da isə Stokholmda 21 Azər və 70 il öncə Təbrizdə həyata keçirilən soyqırımın anısına növbəti tədbir keçiriləcək. Həftə ərzində İsveçdəki soydaşlarımızla da görüşlərimiz olacaq.