Bakıda " Kərkük Gecəsi" keçiriləcək

Bakıda İraq və Suriyada yaşayan türkmən soydaşlarımıza mənəvi dəstək məqsədilə " Kərkük Gecəsi " keçiriləcək. Bu haqda redaksiyamıza son günlər müxtəlif ictimai siyasi təşkilat təmsilçiləri tərəfindən təsis olunan " Kərkük Harayı" Soydaşlarımıza yardım kampaniyasının Əlaqələndirmə Mərkəzinin üzvü Rüfət Muradlı məlumat verib. R. Muradlı bildirib ki, tədbirdə əsasən milli dəyərlərə biganə qalmayan sənətçilər və söz ustalarının çıxışları olacaq. "Biz toplum olaraq bu gün Türkmənelində, özəlliklə Kərkük və Mosulda baş verənlərə səssiz qala bilmərik. Ona görə də bu gecenin keçirilməsinin vacib olduğunu düşündük. "Kərkük Gecəsi"nə giriş sərbəstdir və arzu edənlər iştirak edə bilərlər. Soydaşlarımızın taleyinə laqeyd olmayan hər kəsi bu gecəyə dəvət edirik"- deyə əlavə edib. Noyabrın 30-da saat 14-30-da Xudafərin Şadlıq Sarayında baş tutacaq.

hemlemedia.az