“Qanunsuz məskunlaşma Ermənistanın danışıqlar prosesini pozmaq cəhdidir” ÖZƏL-MÜNASİBƏT

ATESH,AZ saytı yayımladı.
Ermənistan Dağlıq Qarabağda qeyri-qanuni məskunlaşdırma siyasəti yürüdür. Bu sözləri SİA-ya verdiyi açıqlamasında "Demokratik Cəmiyyət və Qadın Hüquqlarının Müdafiəsi" İctimai Birliyinin sədri Mehriban Abdullayeva deyib.

İctimai birlyin sədri vurğulayıb ki, bu qeyri-qanuni məskunlaşdırma siyasəti zaman-zaman davam etdirilib və indi də Livanda, Beyrutda baş verən partlayışdan, insanların fəlakətlərindən, faciələrindən istifadə edərək bu qeyri-qanuni məskunlaşma strategiyasını Ermənistan işə salıb və artıq bir neçə ailə də işğal altındakı torpaqlarımızda məskunlaşdırılıb, hansıki, bunun qarşısı qəti şəkildə alınmalıdır.

“Ümumiyyətlə, tarixən Azərbaycan torpaqlarında məskunlama hesabına bir zaman Ermənistan kimi bir dövlət yaradılıb və indi də Azərbaycan ərazilərini zəbt etməklə, işğal etməklə, sonra da həmin ərazilərdə erməni əsillilərin qeyri-qanuni məskunlaşdırılması cəhdi ilə ikinci bir erməni dövləti yaratmaq niyyəti göz qabağındadır. Amma, olkə başçısı, Cənab Prezident İlham Əliyevin də yaxın zamanda qeyd etdiyi kimi, ermənilərin Azərbaycan torpaqlarında ikinci bir Ermənistan dövləti yaratmasına imkan verilməyəcək. Azərbaycanın işğalçıların müvəqqəti də olsa işğalında saxlanılan torpaqları, danışıqlar vasitəsi ilə olmasa, hərbi yolla azad ediləcək. Ermənistanın nə qədər hiyləgər siyasət yürütsə də, hərhansı məkrli əməllərə əl atsa da, Daqlıq Qarabağ bağışlanılan deyil və əzəli, əbədi Azərbaycan torpağı olaraq işğal edilən ərazilər işğaldan azad edilmlidir.

Məsələ burasındadır ki, az qala 30 ildir ki, münaqişənin həlli vəzifəsini üzərinə götürən ATƏT-in Minsk Qrupu həll istiqamətində bir dənə də olsun müsbət nəticə əldə etməməsi bir tərəfə, bu qeyri-qanuni məskunlaşma siyasətinə də həmsədrlər biganə münasibət sərgiləyirlər. Əslində, bu təşkilat çoxdan bu məsələni həll etməli idi, amma üzərinə götürdüyü öhdəliyi yerinə yetirmək istəmir. ATƏT-in Minsk Qrupunun qınaq obyekti olması üçün bu fakt özü yetərli idi. Yəni, 30 ilə yaxın bir müddətdə münaqişənin həlli istiqamətində heç bir nəticə hasil etməyən bir qurum qınağa layiqdir. İndi üstəlik, bu təşkilatın indiyə qədər hansısa bir nəticə əldə etməməsi bir yana, bu qrup bu məqamda da öz kəskin mövqeyini belə bildirmirsə, o zaman fəaliyyəti nədən ibarətdir və nəyə lazımdır?

Azərbaycan Prezidentinin köməkçisi Hikmət Hacıyevin Ermənistanın işğal olunmuş ərazilərimizdə qeyri-qanuni məskunlaşdırma siyasəti ilə bağlı açıqlaması da ictimaiyyətin diqqət mərkəzindədir və bu heç şübhəsiz ki, sadalanan beynəlxalq qurumların, ələlxüsus məsələnin həllini vəzifə olaraq üzərinə götürən ATƏT-in Minsk Qrupu həmsədrlərinin də diqqətindən yayınmayıb. İşğalın ardınca da qanunsuz məskunlaşma Ermənistanın danışıqlar prosesini pozmaq cəhdini təsdiqləyir və bunu da beynəlxalq aləm, beynəlxalq qurumlar, demokratik, hüquqi təsisatlar yaxşı görürlər. Amma, görə-görə qınamırlar, təsiredici tədbirlər, sanksiyalar tətbiq etmirlər. Ermənistanın qınanılması, bu işğalçı ölkəyə öz qanunsuz əməllərinə görə təsiredici tədbirlərin, sanksiyaların tətbiq edilməsi üçün faktlar yetərincədir və indi də işğal altında saxladıqları ərazilərimizdə qanunsuz məskunlaşma siyasəti və bu istiqamətdə əməllərinin qarşısı həmin beynəlxalq təşkilatlar, xüsusilə, bu işlə məşğul olan ATƏT-in Minsk Qrupu tərəfindən qətiyyətlə alınmalıdır. Qeyd etdiyim kimi, qanunsuz məskunlaşma Ermənistanın danışıqlar prosesini pozmaq cəhdidir və bu cəhdin qarşısının alınması beynəlxalq təşkilatların, xüsusi olaraq, münaqişənin həllini vəzifə olaraq üzərinə götürən məhz həmin ATƏT-in Minsk Qrupunun üzərinə düşür”, deyə Mehriban Abdullayeva bildirib.

Müəllif: İnam Hacıyev
ATESH,AZ