Azərbaycan-Ermənistan dövlət sərhədində düşmən təxribatının qarşısını alarkən 2016-cı ilin dekabr ayının 29-da şəhid olmuş əsgər Qurbanov Çingiz Salman oğlu ilə vida mərasimi keçiriləcək. Atəş.az bildirir ki, bu barədə Trend-ə Müdafiə Nazirliyindən məlumat verilib. Məlumatda bildirilir ki, şəhidlə vida mərasimi fevralın 6-da səhər saat 09:30-da Müdafiə Nazirliyinin Təlim-Tədris Mərkəzində keçiriləcək.
Qeyd edək ki, Ç. Qurbanovun nəşi fevralın 5-də geri qaytarılıb.
Müdafiə Nazirliyi tərəfindən həyata keçirilən müvafiq tədbirlər, ATƏT-in fəaliyyətdə olan sədrinin şəxsi nümayəndəsi səfir Anjey Kasprşik və Beynəlxalq Qızıl Xaç Komitəsinin vasitəçiliyi ilə hərbi qulluqçumuzun meyitinin geri alınması prosesi Qazax rayonunun Bala Cəfərli kəndi istiqamətində baş tutub.
Şəhid Ç.Qurbanovun cənazəsi qarşı tərəfdən qəbul edildikdən sonra hərbi ehtiram qaydalarına uyğun olaraq fəxri qarovulun müşayiəti ilə Bakı şəhərinə gətirilib.
Şəhidimizin nəşi düşməndən alındı - Atəş.az
Şəhid Çingiz Qurbanovun nəşinin qaytarılma anı - Atəş.az
Meyiti qaytarılmayan şəhidin anası: "Tək istəyim..." - Atəş.az
BQXK: Azərbaycan əsgərinin meyitinin qaytarılması üçün tərəflərlə danışıqlar davam etdirilir - ATƏŞ.AZ
BİRA Çingiz Qurbanovla bağlı Beynəlxalq Təşkilatlara müraciət edib - Atəş.az