hemlemedia.az saytı ONN medya agentliyinə istinadən xəbər verir.
Bu gün Rusiyanın paytaxtı Moskvada Böyük Vətən Müharibəsində faşizm üzərində Qələbənin 75 illiyinə həsr olunan hərbi parad keçiriləcək.
Mərasimdə Azərbaycan Respublikasının Müdafiə naziri, general-polkovnik Zakir Həsənovun rəhbərlik etdiyi nümayəndə heyəti qonaq qismində iştirak edəcək.
Paradda ölkəmizi Azərbaycan Ordusunun 75 hərbi qulluqçusundan ibarət heyəti təmsil edəcək. Azərbaycan Ordusunun qulluqçularından ibarət parad heyəti bir neçə gün əvvəl Moskva şəhərinə yola düşüb.
Bakıda yekunlaşan hazırlıq məşqlərini hərbi qulluqçularımız digər ölkələrin parad heyətləri ilə Moskvada davam etdiriblər.
Paradda hərbçilərimizin Azərbaycan istehsalı olan silahlarla təntənəli keçidi olacaq.
Qeyd edək ki, Azərbaycanın Müdafiə naziri general-polkovnik Zakir Həsənov Rusiyanın Müdafiə naziri ordu generalı Sergey Şoyqu tərəfindən Moskvada keçiriləcək hərbi parada dəvət olunub.
HƏRBÇİLƏRİMİZ MOSKVAYA YOLA DÜŞDÜ – VİDEO
İlham Əliyev Moskvaya getməyəcək — Rəsmi
Zakir Həsənov Türkiyədə keçirilən “Efes-2018” beynəlxalq təlimlərini müşahidə edib
Bir qrup hərbi qulluqçuya növbəti "polkovnik" hərbi rütbəsi təqdim olunub