Rusiya Azərbaycanı KTMT-də görmək niyyətindən əl çəkmir. Hesab edirəm ki, təşkilatın nizamnəməsində dəyişiklik edərək, buraya müşahidəçi dövlət statusu bəndini daxil etməsi də buna hesablanıb.
Bunu politoloq Məhəmməd Əsədullazadə deyib.
Onun sözlərinə görə, Ermənistanın KTMT-də veto hüququndan məhrum edilməsinə dair atılan addımlar Azərbaycanla bağlıdır:
“Qazaxısatan Prezidenti Nursultan Nazarbayev KTMT-də müşahidəçi dövlət statusunda dost və tərəfdaş ölkələrin yer alması ilə bağlı verdiyi mesaj da Azərbaycana ünvanlanmışdı. Moskva ümid edir ki, məhz Qazaxıstan vasitəsilə Azərbaycanı KTMT-yə üzv olmağa razı sala biləcək.
Lakin işğalçı Ermənistanın KTMT-də olması Azərbaycanın bura üzv olmasının qarşısında əsas əngəldir. Moskva Azərbaycanı KTMT-də görmək istəyirsə, ilk növbədə Qarabağ münaqişəsinin həllində irəliləyiş yaradacaq addımlar atmalıdır. Əgər Moskva vəd edirsə ki, münaqişənin həlli Azərbaycanın KTMT-yə üzvlüyündən sonra mümkün olacaq, bu, qəbuledilməzdir”.
Məhəmməd Əsədullazadə qeyd edib ki, Rusiya ilk növbədə Ermənistana verdiyi hərbi yardımı dayandırmalı və işğal olunmuş ərazilərin boşaldılması üçün Ermənistana təzyiq etməlidir: “Yəni, Rusiya Azərbaycan üçün bunu etmirsə, Azərbaycan niyə heç nə olmamış kimi KTMT-yə üzv olmalıdır?”
Azər Azadzadə Atəs.
Azərbaycanın dostlarından Paşinyana AĞIR ZƏRBƏ
KTMT baş katibliyini Bakı ilə müzakirə etdi
Paşinyan özünü ucuruma sürüklədi