Türkiyədə daha bir Azərbaycan təşkilatı yarandı

Türkiyədə Antalya-Azərbaycan Mədəniyyət və Həmrəylik Dərnəyi yaranıb.
Bu barədə məlumat verən dərnəyin sədri Aynur Məmmədova əsas məqsədlərinin iki qardaş ölkə arasındakı dostluq,mədəniyyət, təhsil və birlik mövzularında fəaliyyətlərin uğurla davam etdirilməsi olduğunu qeyd edib.
“Düşünürəm ki, bu amillər iki qardaş ölkə arasında körpülərin daha da güclənməsinə təsir edəcək. Biz bu niyyətlə yola çıxmışıq. Dostlarımızla qarşıda planlarımız çoxdur. Sevindirici hal odur ki, dərnəyin yaranması Antalya ictimaiyyəti, rəsmi dairələri tərəfindən maraqla qarşılanıb. Xüsusilə, yerli Türk mediası dərnəyimizə diqqət ayırıb. Bundan sonra da qarşılıqlı əməkdaşlıq çərçivəsində fəaliyyətlərimiz davam etdiriləcək.”
Dərnəyin sədr müavini Köksal Selçik, baş katib Ruziyə Əhmədli seçilib.

Elnur Eltürk