Turana açılan könüllər antalogiyası və CD Ankarada təqdim edilib - hemlemedia.az

Bu gün Türkiyənin paytaxtı Ankara şəhərində Ankara Sənət Platformasının rəhbəri Sultan Özateşin təşkilatçılığı ilə Böyükşəhər Bələdiyyəsi Güvənpark Sənət Qalareyasında “Türk dünyası poeziya inciləri” layihəsi çərçivəsində “Turana açılan könüllər” antalogiyası və eyni adlı CD-nin növbəti təqdimat mərasimi keçirilib. Tədbirə Türkiyənin 20 şəhərindən, yazarlar, şairlər, ozanlar, dövlət məmurları və Türkiyə Mədəniyyət Nazirliyinin əməkdaşlaır qatılmışdılar.
Antalogiyanın və CD-nin təqdimatı bundan əvvəl Azərbaycanda , İraq və Rusiya Federasiyasının Dağıstan MR Dərbənd şəhərində baş tutmuşdur. Qeyd edək ki, antalogiyanın tərtibatçıları, Qabil Ədalət və Aybəniz Qafarlı, redaktoru, Xalq şairi Nəriman Həsənzadə, rəyçilər akademik, millət vəkili Nizami Cəfərov və Nəriman Hasənzadə, məsləhət şurası AYB idarə heyətinin üzvü Qəşəm Nəcəfzadə və TYB sədri Əsət Ərbildir. Antalogiyada 10 ölkədən 111 türk yazarı yer alıb.