“Turana açılan könüllər” antalogiyası və CD təqdim edildi.

Bu gün Ata Türk Mərkəzində “Turana açılan könüllər” antalogiyası və Cd-nin təqdimat mərasimi baş tutub. Mərasimi giriş sözü ilə akademik, millət vəkili Nizami Cəfərov açıq elan edib.Tədbiri Ayb idarə heyətinin üzvü Qəşəm Nəcəfzadə idarə edib.
Tədbirdə müəlliflərlə yanaşı tanınmış şairlərdən Balayar Sadiq, Sənəm Səbayıl, Nuranə Nur, İradə Əlili, İlqar Türkoğlu, Nailə Yusifova, Qalibə Cəfərova, fəlsəfə elmləri doktoru İslam Qəribli, gənc şairlərdən Gülnarə İsrafil, Əziz Muğani, Aygün Hüseynli, qht sədri Rada Abbas , Eldəniz Şamlı və media nümayəndələri iştirak edirdilər.
Tədbirin sonuna yetişən Qafqaz Media İB sədri Hacı Azadə Taleh müəllifləri uğurlu fəaliyyətinə görə təltif etdi.
Qeyd edək ki, Qabil Ədalət və Aybəniz Qafarlının tərtib etdiyi antalogiyanın redaktoru, Xalq şairi Nəriman Həsənzadə, rəyçilər akademik, millət vəkili Nizami Cəfərov və Nəriman Hasənzadə, məsləhət şurası AYB idarə heyətinin üzvü Qəşəm Nəcəfzadə və TYB sədri Əsət Ərbildir. Antalogiyada 10 ölkədən 111 türk yazarı yer alıb.
Antalogiyanın və CD-nin növbəti təqdimatı Türkiyədə baş tutacaq..