Xalq şairi Nəriman Həsənzadənin "Turana açılan könüllər" haqqında rəyi - Atəş.az

Sovet dönəmində Azərbaycan nəşriyyatlarının gözəl bir almanax və antologiya ənənəsi vardı. Bu xeyli vaxt idi ki, unudulmuşdu. Çox sağ olun ki, bu işi yüksək bir şəkildə həyata keçirirsiniz. Almanaxın əhatə dairəsi geniş olur. Ona görə ki, burda xeyli şairlərin şeirləri toplanır. Oxucudan əlavə görün bu kitabın nə qədər yayım dairəsi var. Ayrı-ayrı müəlliflər, onların oxucuları...
Bu kitab Türk Dünyasının ən ucqar nöqtəsinə qədər gedib çıxacaqdır. Vaxtı ilə mənim də almanaxlarda şeirlərim çap olunub. Öz kitabımdan çox, inanın mən o almanaxda gedən şeirimə sevinmişəm. İndi baxın bu kitabda nə qədər şairin sevinci var. O sevinc bütün "Turan ellərinə" bəs edər. Orta və ali məktəblərdə keçirilən vətənpərvərlik dərslərində və ya hazırlanan tədbirlərdə bu kitabdan geniş şəkildə istifadə etmək olar. Sağ olsun bu kitabı tərtib edənlər, Aybəniz Qafarlı, Qabil Ədalət sizə təşəkkür edirəm ki, siz indi ki, zamanda belə böyük bir işin qulpundan yapışmısınız və özü də uğurla həyata keçirmisiniz. Mən təklif edirəm ki, bu kitabı əsgərlərimizə hədiyyə edəsiniz. Bu şeirlər onların vətən duyğularını daha qüvvətləndirəcəkdir.

Nəriman Həsənzadə
Xalq şairi