Dağıstanda nə baş verib?

Rusiya ilə Azərbaycanın sərhəddində, Dağıstanda toplaşan azərbaycanlılarla polis rasında gərginlik yaşanıb.

"BakuPost"un məlumatına görə, ötən gün sərhəddəki, Kullar kəndi yaxınlığındakı müvəqqəti yerləşmə məntəqəsindəki Azərbaycan vətəndaşları ilə polis arasında toqquşma olub. Rusiya mətbuatının yazdığına görə, məntəqədəki Azərbaycan vətəndaşları polisə hücum ediblər, maşınlara maddi ziyan vurublar. "Onlar öz ölkələrinə qayıda bilməmələrinə etiraz ediblər. Bundan sonra hadisə yerinə əlavə qüvvələr cəlb edilib. İndi hər şey yaxşıdır, ara sakitləşib".

Dərbənd rayonunun rəhbəri vəzifələrini icra edən Fuad Şıxıyevin sözlərinə görə, onlar hamını buraxılış məntəqəsindən buraxılmasını tələb edirlər. "Hadisə yerinə əlavə qüvvələr cəlb edilib. İlkin məlumata görə, gərginliyi yaradanlar saxlanılıblar".

Şəhər nümayəndəsinin məlumatına görə, Azərbaycan nümayəndələri ilə görüş küçiriləcək, yaranmış vəziyyət müzakirə ediləcək.
Xatırladaq ki, iki ölkə arasında sərhədlər koronavirus pandemiyasının yayılmasının qarşısını almaq məqsədi ilə iki ay öncə bağlanılıb. Müvəqqəti məntəqədə 800-ə yaxın adam var. Sərhəddə qalan vətəndaşlar müntəzəm olaraq sıra ilə ölkəyə gətirilirlər.

Son məlumata görə, qarşıdurma zamanı 6 nəfər yaralanıb.