BÜTÖV KLİNİKANI ƏVƏZ EDƏCƏK: TÜRKİYƏDƏ AĞILLI MASKA YARADILDI

Türkiyədə tənəffüs və öskürək sayını ölçən ağıllı maska yaradılıb.

ONN media xəbər verir ki, ağıllı maska hər 8 saatlıq istifadə müddətindən sonra ultrabənövşəyi şüalarla özünü 15 dəqiqə müddətində dezinfeksiya edə bilir.

Maskanın istifadəsi təkcə özünə deyil, ətrafdakılara da yardım edə biləcək. Belə ki, maskanın üzərində olan ekran qarşıdakı şəxsdə koronavirus əlamətləri varsa, qırmızı rəngə boyanır və bu barədə mobil tətbiq vasitəsilə şəxsə və aidiyyatı qurumlara məlumat ötürür.

Maskanın digər xüsusiyyəti isə hərarəti, öskürək sayı və tənəffüsü hər an ölçüb, müqayisə edə bilməsidir. Əgər məlumatlarda hansısa bir dəyişiklik yoxdursa, bunu burun qismində olan yaşıl işıqla biruzə edir. Əks təqdirdə işıq qırmızıya boyanır.

Maskanın satış qiyməti 499 lirədir (125 manat).

ONN İnformasiya Agentliyi