“Avroviziya-2025”in qalibi bu ölkə oldu - YENİLƏNDİ

 

Avstriya “Avroviziya-2025” mahnı müsabiqəsinin qalibi olub.

Avstriya təmsilçisi - JJ (Yohannes Piç) "Wasted Love" mahnısı ilə qalib gəlib.

İkinci yeri İsrail, üçüncü yeri Estoniya təmsilçisi tutub.

Finalda Azərbaycan İsrail təmsilçisinə səs verib.

xxx

23:48

"Avroviziya-2025" beynəlxalq mahnı müsabiqəsinin finalı başlayıb.

Bu il müsabiqə İsveçrənin Bazel şəhərində təşkil olunub.

Birinci yarımfinal mayın 13-də, ikincisi isə mayın 15-də baş tutub.

Finalda ümumilikdə 26 iştirakçı çıxış edəcək: iki yarımfinalın 20 qalibi, həmçinin "Böyük beşlik" ölkələrinin - Böyük Britaniya, İtaliya, İspaniya, Almaniya və Fransanın və bu il müsabiqənin ev sahibi ölkəsinin nümayəndələri.

Qalib televiziya tamaşaçıları və peşəkar münsiflər heyətinin birgə səsverməsi ilə müəyyən ediləcək.

Qeyd edək ki, səsvermənin nəticələrinə əsasən, Azərbaycan təmsilçiləri Asəf Mişiyev, Həsən Heydər və Arif İmanovdan ibarət "Mamagama" qrupu müsabiqənin finalına çıxa bilməyib. Onlar ilk yarımfinalda "Run with U" mahnısı ilə çıxış ediblər.