Türkdilli dövlətlərin siyasətinə dəstək fondu Qazaxıstandakı səfirimizə müraciət etdi

Azərbaycan Respublikasının​ Qazaxıstan Respublikasındakı fövqəladə və səlahiyyətli səfiri
cənab​ Rəşad Məmmədova
​
Hörmətli Rəşad müəllim!
​ Qazaxıstanın şimalında Petropavlovsk şəhərində universitet var. "Северо Казахстанский государственный университет" adlanır. Həmin universitetdə bir çox dövlətlərin vətəndaşları da təhsil alır. Universitetdə Azərbaycan tarixi dərsinin tədrisi vikipediyadan götürülmüş, ermənilərin yazdığı tarixlə keçirilir. Vikipediyadakı həmin tarixə əsasən ilk Azərbaycan dövləti 1918 ci ildə​ yaranıb. Vikipediyadakı Azərbaycan tarixinin linkini göndərirəm:
https://ru.wikipedia.org/wiki/%D0%98%D1%81%D1%82%D0%BE%D1%80%D0%B8%D1%8F_%D0%90%D0%B7%D0%B5%D1%80%D0%B1%D0%B0%D0%B9%D0%B4%D0%B6%D0%B0%D0%BD%D0%B0
Təcili işə qarışaraq, xarici vətəndaşların da daxil olduğu, belə saxta tarixin tələbələrə tədrisi​ yolverilməz olduğunu universitetin rəhbərliyinin nəzərinə çatdırmağımızı xahiş edirəm. Gələcəkdə bizim səhifəmizdə yerləşən AR​ MEA müəlliflər qrupunun yazdığı "Исторические факты о деяниях армян на Азербайджанской земле" və Güntəkin Nəcəflinin müəllifi olduğu​ "Азербайджан в XIII-XIX​ веках" kitablarının həmin universitetdə​ tədris edilməsini universitet rəhbərliyindən​ tələb etmənizi xahiş edirəm. Yuxarıda söz açdığım kitablar bu linkdədir:
http://turktoday.info/biblioteka-russkiy.html
​
Kitabların PDF versiyası üzərinə tıklayanda, heç bir məhdudiyyət qoyulmadan yüklənir. PDF versiyanı rahatlıqla açıb oxumaq olur.​
Azərbaycan Respublikası Milli Elmlər Akademiyasının Bakıxanov adına tarix institutunun direktor müavini, professor Cəbi Bəhramovla, göstərilən kitabların dərs vəsaiti kimi istifadə edilməsini razılaşdırmışıq
Əvvəlcədən dərin minnətdarlığımı bildirirəm.
Dərin hörmətlə, Nüsrət Məmmədov
Türkdilli dövlətlərin siyasətinə dəstək fondunun Prezidenti