hemle

Yeni dünyaya gələn övladını görməyən şəhid kapitan dəfn edildi

Tarix:31-01-2025, 19:12
Baxış Sayı:456

Kürdəmir rayonunda Vətən müharibəsində şəhid olan kapitan Ramil Taqət oğlu Babayev dəfn olunub.

Şəhid Ramil Babayev Vətən müharibəsinin ilk günündən kəşfiyyatçı kimi Quru Qoşunlarda döyüşə qatılıb.

O, sentyabrın 29-da Murovdağ istiqamətində gedən döyüşlərdə itkin düşüb. Müharibənin ilk günlərindən barəsində heç bir məlumat olmayan Ramil Babayevin şəhid olması məlum olub.

Bu gün isə onun nəşi ailəsinə təhvil verilib, mərhum Şəhidlər Xiyabanında torpağa tapşırılıb.

Dəfn mərasimində şəhidin komandirləri və döyüş yoldaşları iştirak ediblər.

Şəhidin komandiri üç rəngli dövlət bayrağını şəhidin atası Taqət Babayevə təqdim edib. Onlar Ramilin necə vətənpərvər, igid və cəsur zabit olduğunu bir daha qeyd ediblər.

Qeyd edək ki, şəhid kapitan Ramil Taqət oğlu Babayev 1991-ci ildə Kürdəmirdə anadan olub. Ramil ilk təhsilini Kürdəmir şəhər 1 saylı orta məktəbdə alıb. Məktəbi bitirdikdən sonra öz istəyi ilə Cəmşid Naxçıvanski adına Hərbi Liseydə təhsil alıb.

Daha sonra təhsilini Silahlı Qüvvələrin Hərbi Akademiyasında davam etdirərək oranı bitirib və zabit rütbəsi alıb. İlk xidmətə Goranboy rayonunda başlayıb və Vətənə layiqli xidmət edib, dəflərlə komandirləri tərəfindən mükafatlara layiq görülüb.

Qeyd edək ki, Ramil ailəli idi, onun bir oğlu və bir qız övladı bizlərə yadigar qalıb. Ramil yeni anadan olan oğlunun dünyaya gəlməsindən xəbərsiz şəhidlik zirvəsinə ucalıb.

Ailəsi isə yeni doğulan körpəyə elə şəhid Ramilin adını qoymaq niyyətindədir. Allah bütün şəhidlərimizə rəhmət eləsin.

Digər xəbərlər
21:44 Azərbaycanda bu ailələrə “uşaq pulu” VERİLƏCƏK
21:42 Hərbi xidmətə yararsız olanlar bu sahələrdə çalışa bilməz - açıqlama
21:39 Ürək xəstəliyi olanlara şad xəbər: Bu cihazın köməyi ilə...
21:37 "TikTok" məlumatları SIZDIRDI - 500 milyon avro cərimələnəcək
21:35 Ermənistanın cənubunda nə baş verir? - İranın İrəvandakı səfirindən ƏSASSIZ AÇIQLAMA
21:32 Onlar da Baş Prokurorluğa çağırıldılar
14:12 Sabaha olan hava PROQNOZU
14:08 Ağdamlılara ŞAD XƏBƏR: Şəhərə ilk köçün tarixi bəlli oldu