Uşaq leykemiya məlumat mərkəzinin pediatrı və eksperti Yekaterina Kaysina bildirib ki, sümük iliyi sağlam qan hüceyrələrinin istehsalını dayandırdıqda leykemiya inkişaf edir.
Həkim “İzvestiya”ya qan xərçəngini erkən mərhələdə tanımağın yollarını açıqlayıb.
Həkimin sözlərinə görə, erkən mərhələdə leykemiya tez-tez qrip və KRVİ, anemiya, sistemik lupus eritematosus ilə qarışdırılır, çünki oxşar simptomlara malikdirlər. Hər ikisində zəiflik, qızdırma, əzələlərdə və oynaqlarda ağrı kimi əlamətlər müşahidə olunur.
Həkim dərinin solğunluğunu, burundan və ya diş ətindən tez-tez qanaxmaları və səbəbi bilinməyən qançırları (bunlar qanın laxtalanması ilə bağlı problemlər nəticəsində yaranır) leykemiyanın fərqli əlamətləri adlandırıb. Həmçinin immuniteti zəiflədiyi üçün leykozlu insanlar tez-tez viruslara tutulur və gecələr tərləyirlər.
Bundan əlavə, sümük iliyində anormal hüceyrələrin yığılması səbəbindən oynaq ağrıları meydana gələ bilər. Pediatr həmçinin qasıqda, qoltuqaltında və boyunda böyümüş limfa düyünləri varsa, həkimə müraciət etməyi tövsiyə edib, çünki bunlar da xərçəngin əlamətləri ola bilər.
Türkiyəli həkimdən xəbərdarlıq: Gecə güclənən sümük ağrısı hansı ciddi xəstəliyin əlaməti ola bilər?
Tez-tez qrip olanlara çarə tapıldı - AÇIQLAMA
Hansı simptomlar B2 vitamini çatışmazlığından xəbər verir?
B1 vitaminini orqanizmdə azaldan məhsullar AÇIQLANDI
Anemiyanın simptomları və müalicəsi necədir?