20 Yanvar faciəsinin ildönümü ilə əlaqədar tədbirlər davam edir ... ATƏŞ.AZ

20 Yanvar faciəsinin ildönümü ilə əlaqədar tədbir keçirilib
"Həqiqət" Tarixi Araşdırmalar ictimai birliyinin və "Məhsəti" Şairə Qadınlar Məclisinin birgə təşkilatçılığı ilə 1990-cı il yanvarın 20-də ölkəmizdə baş vermiş faciənin ildönümü qeyd olunub.Tədbirdə çıxış edənlər -Azərbaycan Milli Aviasiya Akademiyasının kafedra müdiri, hüquq elmləri doktoru, Prof.Aydın Qasımov, filologiya elmləri doktoru Fəridə Ləman, "Xocalı Soyqırımını Tanıtma"ictimai birliyinin sədri Şamil Sabiroğlu, şairə Təbrizə Pünhan,Nuridə Misir, Güləmail Murad, şəhid Yusif Vəliyevin ömür-gün yoldaşı, şairə Arzu Nehrəmli, Rəna Rzayeva, sabiq döyüşçü Əli Hümbətov və başqaları faciənin səbəbkarlarını qınayıblar.
Hüquq elmləri doktoru, Prof.Əli Eyvazov 20 Yanvarın qəhrəmanlıq səhifəmizin başlanğıc günü olduğunu qeyd edib.
"Həqiqət" Tarixi Araşdırmalar ictimai birliyinin sədri Əlövsət Qasımov anım mərasiminə toplaşanlara rəhbərlik etdiyi Təşkilatın fəalları adından təşəkkürünü bildirib.
Sonda şəhidlərin ruhuna ehtiram əlaməti olaraq ehsan süfrəsi açılıb.

Şamilə Şamilqızı,