Bakıda “Zəfər" Şəhid Ailələrinə Dəstək İctimai Birliyinin təşkilatçılığı ilə “Türk dünyasının şəhid ailələri arasında əlaqələrin inkişafı” adlı konfrans keçirilir.
Tədbir Dövlət Təhlükəsizliyi Xidmətinin (DTX) Mədəniyyət Mərkəzinin "Bənövşə" uşaq xorunun ifasında Azərbaycanın Dövlət Himninin və Türkiyənin “İstiqlal" marşının səsləndirilməsi, türk dünyası şəhidlərinin əziz xatirəsinin bir dəqiqəlik sükutla yad edilməsi ilə başlayıb.
Daha sonra Şimali Kipr Türk Cümhuriyyətinin Prezidenti Ersin Tatar konfrans iştirakçılarına videomüraciət ünvanlayıb. O, videomüraciətində bildirib ki, bu gün iki ölkə arasında münasibətləri daha da dərinləşir:
“Azərbaycana son səfərim zamanı bizə göstərilən dəstəyə görə Prezident İlham Əliyevə, həmçinin Azərbaycan xalqına minnətdaram. Düşünürəm ki, bir millət üç dövlət anlayışı günbəgün daha da genişlənir. Mən hər iki xalqın azadlığı uğrunda canından keçən şəhidlərimizi ehtiramla anıram”.
Qeyd edək ki, Şimali Kipr və Azərbaycandan şəhid ailələrinin vətəndaş cəmiyyəti institutlarının xətti ilə qarşılıqlı səfərləri başlayır.
"Türkiyə, Azərbaycan və Şimali Kipr “tək millət, üç dövlət”dir" - Ersin Tatar
Şimali Kipr prezidenti Azərbaycana gəlir
Türk dünyasının diqqəti Ankarada - Bu gün liderlər görüşəcək
"Türk Şurası yeni qatılan ölkələrlə güclənərkən beynəlxalq status qazanacaq” - Ərdoğan
Şimali Kiprin Prezidenti: “Türkiyə və Azərbaycanla bağlarımızı qoparmaq mümkün olmayacaq”