“Heç kim siyasi mənsubiyyətinə və fəaliyyətinə görə təqib edilməməlidir” – Prezident Əliyev

“Bu gün siyasi sahədə çox genişmiqyaslı islahatlar aparılır. Deyə bilərəm ki, müstəqillik dövründə miqyasa və nəticəyə görə bu günə qədər islahatların bu səviyyədə aparılması müşahidə edilmirdi”.

Turkustan.info xəbər verir ki, bu fikirləri bu gün yeni təyinh edilmiş Baş prokuror Kamran Əliyevi videofortmada qəbul edən zaman Azərbaycan Prezidenti İlham Əliyev söyləyib.

Prezident bildirib ki, hakimiyyət tərəfindən təklif edilmiş siyasi dialoq demək olar ki, baş tutur: “Biz artıq bu dialoqun ilkin müsbət təzahürlərini görürük. Demək olar ki, ölkəmizin bütün əsas siyasi qüvvələri bu dialoqa qoşularaq buna öz müsbət münasibətini bildirmişlər. Beləliklə hesab edirəm ki, növbəti illərdə siyasi sistemin təkmilləşdirilməsi, müasirləşdirilməsi, Azərbaycanda siyasi münasibətlərin sağlam zəmində qurulması işində önəmli addımlar atılacaqdır. Bir daha bildirməliyəm ki, Azərbaycanda heç kim öz siyasi baxışlarına, siyasi mənsubiyyətinə, siyasi fəaliyyətinə görə təqib edilməməlidir”.