ABŞ HƏRBİ GƏMİSİ ÇİN SULARINA GİRDİ – GƏRGİNLİK

ABŞ və Çin hərbi gəmiləri Cənubi Çin dənizində üz-üzə gəlib.

ONN media xəbər verir ki, bu barədə “Star” qəzeti məlumat yayıb.

Qəzet bildirib ki, ABŞ donanmasına aid “USS Barri” hərbi gəmisi mübahisəli ərazi olan Parasel (Sişa) adalarının yaxınlığından Çin sularına daxil olub. ABŞ donanması sözügedən əraziyə ilk dəfədir qanunsuz girib.

Məsələ ilə bağlı açıqlama verən Çin ordusunun Cənubi Desantları komandiri Li Huamin ABŞ-ın təxribatçı addımlarının beynəlxalq hüquq normalarını ciddi şəkildə pozduğunu deyib:

“ABŞ Çinin suverenliyini və təhlükəsizlik maraqlarını ciddi şəkildə pozur, eyni zamanda regional təhlükəsizlik risklərini bilərəkdən artırır”.

ONN İnformasiya Agentliyi