Dünya 1-2 ildən tez olmayaraq normal həyata qayıdacaq - Bill Qeyts

Koronavirus pandemiyası fonunda tətbiq olunan məhdudiyyətlərin ləğvi normal həyata qayıdış anlamına gəlməyəcək - bu, bir ildən və ya hətta iki ildən sonra olacaq.

Trend-in məlumatına görə, bu fikri xeyriyyəçi və Microsoft korporasiyasının qurucularından biri Bill Qeyts Le Figaro qəzetinə verdiyi müsahibəsində bildirib.

Onun sözlərinə görə, biz normal həyata bir ya da iki ildən tez olmayaraq qayıdayacağıq:

"Test və izləmə sisteminin vasitəsi ilə infeksiya sahələrini tez bir zamanda müəyyən edə və onlara nəzarət edə bilərik. Ancaq tamamilə normal fəaliyyətə qayıtmayacağıq, çünki insanlar yoluxma ehtimalı ilə əlaqədar çox narahat olacaqlar və davranışlarını kəskin şəkildə dəyişdirəcəklər".

Sahibkarın fikrincə, müalicə metodları üzərində iş son dərəcə vacibdir və davam etməlidir, bununla birlikdə peyvəndlərin inkişafı normal həyata qayıtmaq üçün əsas addım olmalıdır.

"Peyvəndin hazırlanması üçün demək olar ki, bütün işlər özəl sektorda aparılır və biz [Bill və Melinda Qeyts fondu] neytral oyunçu olduğumuzdan və bütün mütəxəssislərlə əlaqə qurduğumuzdan (şirkətin əksər rəhbərləri ilə əlaqə saxlayıram), onların istehsal müəssisələrinin təqdim etmələrini xahiş edirik. Onlardan 7 milyard doza, bəlkə də 14 milyard doza peyvənd istehsalının mümkünlüyünü nəzərdən keçirmələrini xahiş edirəm".