Layihə rəhbəri və təşkilatçısı Elnurə və Aygün İsgəndərovaların olduğu YAP Yasamal rayon təşkilatı ilə birgə Ulu Öndər Heydər Əliyevin 100 illik yubileyi ərəfəsində 2 Fevral-Gənclər gününə həsr olunmuş "Gələcək bizimlə gələcək" adlı sərgi YAP Yasamal rayon təşkilatında təşkil olundu. Sərgidə respublikanın müxtəlif bölgələrindən müxtəlif yaş qruplarında olan 125 rəssam, 125 müxtəlif texnikalarda işlənmiş rəsm əsərləri ilə iştirak edirdi. Sərgini giriş sözü ilə açan YAP Yasamal rayon təşkilatının sədri Bəxtiyar Nəbiyev müasir Azərbaycanın qurucusu, ümummilli lider, ulu öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin ruhunun bir dəqiqəlik sükutla yad olunmasını bildirdi. Eyni zamanda Bəxtiyar müəllim qeyd etdi ki, bildiyimiz kimi 29 sentyabr 2022-ci il tarixli qərara əsasən cənab prezident İlham Əliyev tərəfindən 2023-cü il Azərbaycan Respublikasında “Heydər Əliyev İli” elan edilmişdir. Bu qərara əsasən YAP Yasamal rayon təşkilatı olaraq biz də il boyu silsilə şəklində ulu öndər Heydər Əliyevin əziz xatirəsinə həsr olunmuş sərgilər, tədbirlər, etüdlər təşkil edəcəyik. Daha sonra sərgidə iştirak edən rəssamları 2 Fevral-Gənclər günü münasibətilə təbrik edib uğurlar arzuladı. Sözü layihə rəhbəri Elnurə İsgəndərovaya verdi. Elnurə xanım həmkarlarını salamlayıb sərgilərin respublikanın hər bölgəsindən olan rəssamların tələbələri yüksək ruhda yetişdirilməsinə , pis vərdişlərdən uzaq olmasında mühüm rol oynadığını bildirdi. Sonda rəssamlar 2 Fevral Gənclər gününə özəl diplom və medalyonlarla təltif olundular.
Müxbir : Aygün Oqtay
Fotoqraf: Mahir Əhmədov
" Azərbaycan və Tacikistan mədəni əlaqələri nəsildən-nəslə" adlı sərgi - tədbir Heydər Əliyev Mərkəzində baş tutdu
“Azərbaycanın xilaskarı” adlı rəsm müsabiqəsinin qalibləri müəyyən olunub
İsmayıllıda “Vətənpərvərlik etüdləri” adlı layihə çərçivəsində " İsmayıllı mənzərələri” adlı etüd - sərgi baş tutub.
"Vətənə həsr olunmuş ömür" adlı onlayn rəsm müsabiqəsinin qalibləri məlum olub VİDEO
“Vətənlə döyünən ürək” adlı rəsm sərgisi