WHATSAPP-DAN DAHA BİR MÖHTƏŞƏM YENİLİK

Feysbuk şirkətinə məxsus olan populyar WhatsApp messencerinə daha bir funksiya əlavə olunacaq.

ONN media bildirir ki, artıq WhatsApp-da qrup zənglərinə qoşulacaq şəxslərin sayı 4 nəfərdən çox olacaq.

Hazırda qruplarda həm səsli, həm də görüntülü yalnız 4 nəfər iştirak edə bilir.

Tezliklə isə bu zənglərə daha çox insan qoşula biləcək. Hələ ki, zənglərə neçə nəfərin qoşulacağı və funksiyanın nə zaman istifadəyə veriləcəyi məlum deyil.

Təxmini olaraq isə zənglərin 6-19 nəfər arası dəyişəcəyi gözlənilir.

Qeyd edək ki, funksiya WhatsApp-ın Android və iOS istifadəçilər üçün nəzərdə tutulub.

ONN İnformasiya Agentliyi