Ermənilər təsdiqlədi - İran 1271 yük maşını göndərildi

Fövqəladə vəziyyət dövründə İran İslam Respublikasından Ermənistana 1.271 yük maşını gəlib.

Ednews.net moderator.az-a istinadla xəbər verir ki, bu barədə Ermənistan Polisinin rəis müavini Hayk Mqriyan keçirdiyi mətbuat konfransında məlumat verib.

Rəis müavini bildirib ki, onların 1.197-nin işi yol polisi tərəfindən tamamlanıb, pandemiyaya görə 106 nəqliyyat vasitəsi yol polisi tərəfindən müşayiət edilib.

Onun sözlərinə görə, ümumilikdə Ermənistandan 2.946 nəqliyyat vasitəsinə Dağlıq Qarabağa getməyə icazə verilib, 603 avtomobilin girişi isə qadağan edilib.

Qeyd edək ki, Ermənistanda fövqəladə vəziyyət martın 14-dən elan edilib.

Xatırladaq ki, bir neçə gün əvvəl sosial mediada Xankəndidə yaşayan bir erməninin bölgəyə gələn İranın yük maşınlarına koronavirusa görə etiraz edən videosu yayılmışdı.

İran rəsmiləri videonun həqiqəti əks etdirməməsi barədə açıqlamalar vermişdilər...

EDNews.net