Polşa, Çexiya və Sloveniyanın baş nazirləri Kiyevə yola düşüblər.
Bu barədə Polşa hökumətinin başçısının ofisi məlumat yayıb.
"Mateuş Moravetski, Piotr Fiala və Janez Yanşa, həmçinin Polşa Baş nazirinin təhlükəsizlik üzrə müavini, hakim Hüquq və Ədalət Partiyasının lideri Yaroslav Kaçinski Kiyevə yola düşürlər. Səfərin məqsədi bütün Avropa İttifaqının Ukraynanın suverenliyi və müstəqilliyinə birmənalı dəstəyini təsdiqləmək, həmçinin Ukrayna dövlətinə və cəmiyyətinə geniş dəstək paketini təqdim etməkdir", - deyə qeyd olunub.
Bildirilir ki, Avropa Şurasının nümayəndələri kimi onlar Ukrayna prezidenti Vladimir Zelenski və Ukraynanın baş naziri Denis Şmıqalla görüşəcəklər.
Qeyd olunur ki, bu səfər barədə beynəlxalq təşkilatların, o cümlədən BMT-nin vasitəçiliyi ilə beynəlxalq ictimaiyyət məlumatlandırılıb.
Bu, fevralın 24-də Rusiyanın Ukraynaya silahlı təcavüzü başlayandan bəri beynəlxalq qonaqların Kiyevə ilk səfəridir.
ATƏT sədri Ukraynaya gedəcək
Zelenski İlham Əliyevi Kiyevə dəvət etdi
Zelenski Almaniyanın XİN rəhbəri ilə görüşdən imtina etdi
Zelenski Ərdoğanla danışıqlar aparacaq
Ukrayna əsgərlərinin Çernobıla yerləşdirilməsi QALMAQAL YARATDI