Bu gün saat 12:00-da Azərbaycanın bütün ərazisində 20 Yanvar şəhidlərinin xatirəsi bir dəqiqəlik sükutla yad olunub, nəqliyyat vasitələri, Bakı buxtasındakı gəmilərdən səs siqnalları verilib.
Hüzn əlaməti olaraq dövlət bayraqları endirilib.
Koroğlu Nəqliyyat Mübadilə Mərkəzində də 20 Yanvar şəhidlərinin əziz xatirəsi bir dəqiqəlik sükutla yad edilib. Bakı Nəqliyyat Agentliyindən Avtobusların hərəkəti dayandırılıb səs siqnalları verilib.
Qeyd edək ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən Sovet ordusu Azərbaycana qarşı hərbi əməlliyatlara başladı. Faciə zamanı 147 insan öldürüldü, 744-ü ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.
Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir.
Azərbaycan şəhidlərini bir dəqiqəlik sükutla andı
20 Yanvar faciəsindən 31 il ötür
Milli Arxiv İdarəsində 20 Yanvar faciəsi qurbanlarının xatirəsi anılıb - ATƏŞ.AZ
İlham Əliyev: “Xarı bülbül” festivalı Azərbaycan şəhidlərinin əziz xatirəsinə həsr olunur”
Bu gün şəhidlərimizin xatirəsi anılacaq