Bu gün Diasporla İş üzrə Dövlət Komitəsinin sədri Fuad Muradov Rusiya Federasiyası Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoyla görüşüb.
Bu barədə Komitədən məlumat daxil olub.
Bildirilib ki, qonağı salamlayan Komitə sədri ölkəmizin diaspor siyasəti və xaricdə yaşayan azərbaycanlılar barədə məlumat verib, Rusiyada yaşayan azərbaycanlıların ölkənin mədəni və ictimai həyatına sürətlə inteqrasiya etdiklərini bildirib. Görüş zamanı Fuad Muradov Azərbaycanla Rusiya arasında ikitərəfli münasibətlərin daha da inkişaf etdirilməsinin və iki ölkə arasında mədəni əlaqələrin genişləndirilməsinin önəminə toxunub.
Səmimi qəbula görə təşəkkürünü bildirən Mixail Şvıdkoy qloballaşan dünyada mədəni dialoq qurmağın vacibliyindən söz açıb. Qonaq bildirib ki, Rusiya və Azərbaycan arasında münasibətlər mədəni sahələrdə də uğurla davam edir və rəsmi Moskva Azərbaycanla əməkdaşlığa böyük önəm verir.
Görüşdə Azərbaycanın Rusiyadakı fövqəladə və səlahiyyətli səfiri Polad Bülbüloğlu da iştirak edib.
Fuad Muradov türk və yəhudi diaspor rəhbərləri ilə görüşüb
Fuad Muradov Niderlandın azərbaycanlı Milli Qəhrəmanının ailə üzvləri ilə görüşdü
Sahibə Qafarova İordaniya səfiri ilə görüşdü
Azərbaycan və Türkiyə diasporları tarixi birgə araşdırır
“Tezliklə böyük bir layihənin nəticəsini açıqlayacağıq”