Azərbaycan və Türkiyə müxtəlif ölkələrdə yaşayan Azərbaycan və türk diasporları arasında əməkdaşlığın daha sıx inkişaf etdirilməsi, onların məruz qaldıqları ümumi problemlər qarşısında birlikdə addımlar atılması və ardıcıl həmrəylik göstərilməsi məqsədilə səylərini birləşdirəcəklər.
Bu müddəa dünən imzalanmış Şuşa Bəyannaməsində yer alıb.
Tərəflər ölkələrinin təqdim edilməsi və milli mənafelərinin qorunmasına dair tarixi həqiqətlərin dünya ictimaiyyətinə çatdırılmasında diasporal fəaliyyətin əlaqələndirilməsini və qarşılıqlı dəstəyi təşviq edəcəklər.
Tərəflər Ermənistanın Türkiyəyə qarşı əsassız iddialarının, tarixin təhrif olunması və tarixi faktların təhrif olunmaqla siyasiləşdirilməsi cəhdlərinin regionda sülhə və sabitliyə ziyan vurduğunu vurğulayaraq bu kontekstdə 1915-ci il hadisələri ilə bağlı olaraq öz arxivlərini açan Türkiyənin Ermənistandakı və digər ölkələrdəki arxivlərin açılması və bu mövzuda tarixçilər tərəfindən araşdırmaların aparılmasına yönəlmiş səylərini qətiyyətlə dəstəkləyirlər.
Şuşa Bəyannaməsində Zəngəzur dəhlizi ilə bağlı MÜDDƏA
Çavuşoğlu Cənubi Qafqaz barədə: “Fransa ilə birgə qalıcı sülhə töhfə verə bilərik”
“Bəzi rəhbərlər “erməni soyqırımı” ilə bağlı təhrif olunmuş bəyanatlarla çıxış edir"
Azərbaycan və Türkiyə diasporları tarixi birgə araşdırır
QHT-lərin birgə fəaliyyətinə dair memorandum imzalanıb