Azərbaycan Respublikasında səfərdə olan Rusiyanın Xarici İşlər naziri Sergey Lavrov mayın 11-də Şəhidlər xiyabanına gələrək ölkəmizin azadlığı, suverenliyi və ərazi bütövlüyü uğrunda mübarizədə canlarından keçmiş qəhrəman vətən övladlarının xatirəsini ehtiramla yad edib.
Rusiyanın xarici işlər naziri “Əbədi məşəl” abidəsinin önünə əklil qoyub.
Sergey Lavrov mayın 11-də Fəxri xiyabanda xalqımızın ümummilli lideri, müstəqil dövlətimizin memarı və qurucusu Heydər Əliyevin xatirəsini ehtiramla anıb, məzarı önünə əklil qoyub.
Ziyarət çərçivəsində görkəmli oftalmoloq-alim, akademik Zərifə Əliyevanın da xatirəsi anılıb, məzarı üzərinə tər güllər düzülüb.
Daha sonra Rusiya XİN başçısı Bakıdakı “Qardaşlıq Məzarlığı” Əbədi Xatirə Kompleksini ziyarət edib.
İkinci Dünya müharibəsində faşizmə qarşı mübarizədə həlak olmuş qəhrəmanların xatirəsi ehtiramla yad olunub.
ICESCO-nun Baş direktoru Fəxri xiyabanı və Şəhidlər xiyabanını ziyarət etdi - FOTO
Türk Şurası rəsmiləri Fəxri və Şəhidlər Xiyabanını ziyarət ediblər
İlham Əliyev və Mehriban Əliyeva ümummilli lider Heydər Əliyevin məzarını ziyarət ediblər - VİDEO
Dövlət Komitəsi Ümummilli liderin məzarını ziyarət etdi
Səlcuq Bayraqdar Azərbaycanda - FOTO