2021-ci ilin birinci rübündə Səngəçal terminalı 60 milyon bareldən çox neft və kondensat, 5 milyard kubmetrdən çox Şahdəniz qazı ixrac edilib.
“BP Azərbaycan”dan verilən məlumata əsasən, 52 milyon barel Bakı-Tbilisi-Ceyhan (BTC) vasitəsilə və 8 milyon bareldən artıq Qərb İxrac Boru Kəməri marşrutu vasitəsilə ixrac edilib.
Rüb ərzində terminaldan həmçinin gündəlik orta hesabla 56 milyon standart kubmetrdən çox Şahdəniz qazı ixrac edilib.
Bu dövr ərzində Azəri-Çıraq-Günəşli yatağından SOCAR-a əsasən Səngəçal terminalı, həmçinin Neft Daşlarındakı qurğu vasitəsilə gündə orta hesabla 11,6 milyon kubmetr, ümumilikdə isə 1 milyard kubmetr səmt qazı verilib.
Qeyd edilib ki, Səngəçal terminalının texniki emal sistemlərinin gündəlik gücü hazırda 1,2 milyon barel neft və kondensat, 105 milyon kubmetr qaz, həmçinin Şahdəniz qazı üçün təqribən 85 milyon standart kubmetrdir.
Azəri-Çıraq-Günəşli yatağından hasil olunan neftin həcmi açıqlanıb
Azərbaycanın ən çox ixrac etdiyi ərzaq məhsulları
Azərbaycan ötən ay qaz hasilatını və nəqlini nə qədər artırıb?
Dövlət Neft Fondu büdcəyə nə qədər vəsait transfert edib? - RƏSMİ
NEFTLƏ BAĞLI KRİTİK GƏLİŞMƏ: SABAH MƏLUM OLACAQ