2021-ci ilin birinci rübündə Azərbaycan Respublikasının İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 2 milyard 85,7 milyon manat vəsait daxil olub.
Maliyyə Nazirliyindən verilən məlumata əsasən, bu vəsait proqnoza nisbətən 363,8 milyon manat və ya 21,1 faiz çoxdur.
Müvafiq göstərici 2020-ci ilin eyni dövrü ilə müqayisədə isə 45,8 milyon manat və ya 2,2 faiz çoxdur. Bu il büdcəyə köçürülən vəsaitin 72,2 faizi və yaxud 1 milyard 507 milyon manatı qeyri-neft sektorundan daxilolmaların payına düşüb. Bu daxilolmaların həcmi 2020-ci ilin eyni dövrünə nisbətən 110,6 milyon manat və ya 7,9 faiz çox olub.
İlin ilk üç ayı ərzində Dövlət Gömrük Komitəsinin xətti ilə dövlət büdcəsinə 943,6 milyon manat vəsaitin köçürülməsi təmin edilib. Bu rəqəm proqnoza nisbətən 158,6 milyon manat və ya 20,2 faiz çoxdur.
Dövlət büdcəsindən maliyyələşdirilən təşkilatların ödənişli xidmətlərindən 115 milyon manat mədaxil olunub ki, bu da 2020-ci ilin eyni dövrü ilə müqayisədə 5,5 milyon manat və ya 5,0 faiz çoxdur.
Sair daxilolmalar üzrə dövlət büdcəsinə 78,4 milyon manat vəsait daxil olub. Bu isə proqnoza nisbətən 48,4 milyon manat və ya 2,6 dəfə, 2020-ci ilin eyni dövrü ilə müqayisədə isə 39 milyon manat və ya iki dəfə çoxdur.
Dövlət Neft Fondundan dövlət büdcəsinə transfertlər 2 milyard 513,7 milyon manat olub, bu da nəzərdə tutulmuş proqnoza nisbətdə 536,3 milyon manat və ya 17,6 faiz azdır.
Buna səbəb İqtisadiyyat Nazirliyi yanında Dövlət Vergi Xidməti və Dövlət Gömrük Komitəsi tərəfindən ilin birinci rübündə mədaxil proqnozunun artıqlaması ilə icra edilməsi və dövlət büdcəsi kəsirinin maliyyələşməsi üçün nəzərdə tutulmuş mənbələrdən istifadə olunmasıdır.
2021-ci ilin dövlət büdcəsi birinci oxunuşda qəbul edildi
Əli Əsədov Milli Məclisin iclasında
Ölkədə pul kütləsinin həcmi və manatın dövretmə sürəti artıb
2021-ci ilin dövlət büdcəsi ikinci oxunuşda qəbul edildi
Yanvarda sosial təminat üzrə əhaliyə ödənilən məbləğ açıqlandı