Ölkəmizdə qızıl, mis və gümüş hasil edən “Anglo-Asian Mining Plc” şirkəti 2021-ci illə bağlı hasilat proqnozunu açıqlayıb.
hemlemedia.az-ın şirkətdən əldə etdiyi məlumata əsasən, 2021-ci il üzrə şirkət 48 000 - 54 000 unsiya dəyərində qızıl hasil etməyi proqnozlaşdırır. 2020-ci il ərzində faktiki qızıl hasilatı 56 864 unsiyanı təşkil edib.
Həmçinin, cari ildə 2 500 - 2 800 ton mis hasil edilməsi planlaşdırılır ki, ötən il faktiki hasilat 2 591 ton olub. 2021-ci ilin proqnozunda yeni müqavilə sahələri üzrə hasilat nəzərdə tutulmayıb.
“Anglo-Asian Mining Plc” şirkətinin icraçı direktoru Reza Vəziri bildirib ki, 2020-ci ildə ehtiyatları tükənən “Uğur” yatağından hasilat gözlənilmədiyindən qızıl hasilatının daha az olacağı proqnozlaşdırılır:
Bu il ərzində qızıl hasilatı “Gədəbəy” və “Qədir” yataqları üzrə aparılacaq. Çoxlu sayda filiz əldə etdiyimiz “Gədəbəy” yatağından mis hasilatında artım gözləyirik”.
O əlavə edib ki, 2020-ci ildəki uğurlu kəşfiyyat proqramı bu il də davam etdiriləcək:
“Zəfər” yatağı üzrə qazma fəaliyyətinin nəticələri ümidvericidir və hazırda mənbələrin dəyərləndirilməsi üzrə üçüncü tərəflərlə müzakirələr aparılır. Hazırda bərpa edilmiş müqavilə sahələrinin potensialını qiymətləndirilir. Zəngilanın “Vecnəli” müqavilə sahəsi üzrə dəyərləndirmələr zamanı yüksək dərəcədə filiz ehtiyatlarının və onların daşınmasının məqsədəuyğun olduğu müəyyən edilib”.
Zəngilanda qiymətli metalların axtarışına başlanacaq
Azəri-Çıraq-Günəşli yatağından hasil olunan neftin həcmi açıqlanıb
RUSİYA BU SAHƏDƏ DÜNYA LİDERİ OLA BİLƏR
Ötən il Kəlbəcərdəki “Zod” qızıl mədənindən Ermənistan nə qədər qazanıb? – MƏBLƏĞ
QIZIL ALMAQ İSTƏYƏNLƏRƏ ŞAD XƏBƏR