İranın ən böyük onlayn alış-veriş və satış platforması olan “Digikala” internet saytı Azərbaycan Respublikasının bayrağının simvollarını ABŞ və İsraillə yanaşı düşmən ölkələr və qadağan olunmuş mallar siyahısına salıb.
Bu barədə saytda yerləşdirilən məlumatda bildirilir.
Belə ki, “Digikala”nın rəsmi səhifəsində ABŞ, İsrail və Azərbaycan kimi ölkələrin bayrağının və ya simvolunun əks olunduğu malların (köynək, futbolka və s.) satışının qadağan olunduğu açıq-aydın qeyd olunub.
Siyahıda “düşmən” ölkələrlə əlaqəli bayraq rəngləri və simvollar olan malların istehsalı və təqdim edilməsinin qadağan edildiyi, bu malların İranın sisteminə zidd siyasi məqsədləri olduğu və bu səbəbdən satışının qarşısının alındığı bildirilir.
İŞİD və Taliban kimi qruplarla yanaşı, Azərbaycanın da bu siyahıya salınması sosial şəbəkə istifadəçilərin geniş reaksiyası ilə üzləşib.
Qeyd edək ki, onlayn satış platformasında Azərbaycan bayrağının özünün satılmasına qadağa yoxdur.
Rusiya bu ölkələri də "düşmən" siyahısına daxil etdi
Azərbaycandan bu ərzaq mallarının çıxarılması tənzimlənəcək - SİYAHI
Niaqara şəlaləsi Azərbaycan bayrağının rənglərinə boyandı
Suriyadan İran və Rusiyaya daha bir ZƏRBƏ - Yeni qadağa gəlir
İranın avtomobil istehsalçıları artıq Avropa ölkələrindən heç bir cihaz ala bilməyəcəklər