“Restoranların fəaliyyətinə icazə verilməsi o demək deyil ki, toy mərasimləri keçirilə bilər. Bu mərasimlər həm hüquqi, həm də tibbi nöqteyi nəzərdən təhlükə mənbəyidir”.
Bunu “ARB 24”ün “İşgüzar səhər” verilişinə açıqlamasında Daxili İşlər Nazirliyinin mətbuat xidmətinin kütləvi informasiya və ictimaiyyətlə əlaqələr şöbəsinin rəisi, polis mayoru Elşad Hacıyev deyib.
O bildirib ki, kütləvi mərasimlərdə risk təhlükəsi yüksəkdir:
“Heç bir halda toy mərasimi təşkil etmək olmaz. Toyların keçirilməsinə cəhdlərlə bağlı faktların özü də göstərir ki, bu mərasimlərdə aktiv koronavirus xəstələri aşkarlanır. Dövlət vətəndaşların şad gününün keçirilməməsində maraqlı deyil. Burada dövlətin ali məqsədi vətəndaşın sağlamlığını qorumaqdır və hər bir vətəndaş da bu prosesə öz töhfəsini verməlidir”.
Elşad Hacıyevə nazirlikdə yüksək vəzifə verildi - TƏYİNAT
DİN-dən Ruslan Quliyevin ittihamlarına - CAVAB
"Alov Qüllələri"ndə toy olub? - DİN-dən AÇIQLAMA
Mülki polislər də SMS-icazələri yoxlaya bilər - Rəsmi açıqlama
DİN jurnalistlərə və sosial şəbəkə istifadəçilərinə müraciət etdi