Məzuniyyət hüququ işçinin əsas hüquqlarından biri hesab olunur və işçi il ərzində bu məzuniyyət hüququndan istifadə edə bilər.
Bu barədə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi Fuad Heydərov “Növbətçi Müfəttiş”də çıxışı zamanı məzuniyyət ərizəsi yazıldığı halda məzuniyyətə göndərilməyən işçilərlə bağlı suala cavab verərkən deyib.
O bildirib ki, işəgötürən işçinin bu hüququndan istifadəsinə şərait yaratmalıdır:
“Bununla bağlı işəgötürən işçinin heç bir halda məzuniyyət hüququnu məhdudlaşdıra bilməz. Bu, Əmək Məcəlləsinin tələbidir. Məzuniyyət ərizəsi yazılıb və işçi işə çağırılırsa, bu məzuniyyət deyil. Məcburiyyət varsa, burada işçinin məzuniyyət hüququnun pozulmasıdır. Həmin şəxslər bizə müraciət edə bilər, məsələ qanunvericiliyin normalarına müvafiq olaraq araşdırılar.
Digər halda işəgötürən işçini məzuniyyətdə olduğu halda istisna hal kimi öz razılığı olması şərtilə işə çağıra bilər. Lakin bu da əmrlə rəsmiləşdirilməlidir. Əks təqdirdə bu, işçinin məzuniyyət hüququnun pozulması kimi qiymətləndirilir”.
Ombudsmandan təklif: “Üç yaşa qədər uşaqlara qulluq edən analara yeni hüquqlar verilsin”
Ramiz Mehdiyevin məzuniyyət şousu: Önləyici tədbir...
Bu işəgötürənlərə xəbərdarlıq edildi
BU ŞƏXSLƏRƏ MƏZUNİYYƏT VAXTI MÜAVİNƏT VERİLƏCƏK
Polkovnik: “Yaralının son vəziyyəti məlum olana qədər ordudan tərxis oluna bilməz”