Ərazi iddiası və “Dostluq körpüsü”:

Ermənistan-Gürcüstan sərhəddində, Debed çayı üzərində “Dostluq körpüsü”nün inşası nəzərdə tutulur.

Atəsh.az sayti erməni KİV-ə istinadən xəbər verir ki, inşa ediləcək körpü Ermənistan və Gürcüstan arasında həm yük, həm də sərnişin daşınmasında istifadə ediləcək. Dörd hərəkət zolağından ibarət olacaq körpünün inşası üçün gərəkli olan maliyyə xərclərinin yarısını Gürcüstan, yarısını isə Ermənistan qarşılayacaq.Xatırladaq ki, beynəlxalq iqtisadi layihələrdən kənarda qalan, Azərbaycan və Türkiyə ilə sərhədləri bağlı olan Ermənistan son vaxtlar İran və Gürcüstanla münasibətləri yeni ümstəviyə daşımağa, bununla da ölkə daxilindəki ağır iqtisadi-sosial vəziyyəti yumşaltmağa çalışır. Ermənistan-Gürcüstan sərhəddində inşa ediləcək “Dostluq körpüsü” də rəsmi İrəvanın növbəti çarəsiz çırpıntısı hesab olunur. Onu da qeyd edək ki, Ermənistan dəfələrlə Azərbaycan və Türkiyə ilə yanaşı, Gürcüstana qarşı da ərazi iddiaları ilə çıxış edib. Odur ki, Ermənistanın ərazi iddiası irəli sürdüyü dövlətlə sərhəddə “Dostluq körpüsü” inşa etməsi, rəsmi İrəvanın qeyri-stabil siyasətinin daha bir təzahürü kimi dəyərləndirilir.

Azər Azadzadə Atəs