“Son günlər cəmiyyətdə ayrı-ayrı şəxslər arasında, bəzi Kütləvi İnformasiya Vasitələrində, sosial şəbəkələrdə bayram ərəfəsində TƏBİB-in karantin rejimini sərtləşdirəcəyi ilə bağlı şayiələr yayılıb”.
Bu barədə TƏBİB-in bu gün açıqladığı məlumatda qeyd edilib. Bildirilib ki, karantin rejiminin müəyyənləşdirilməsi ilə bağlı hər hansı qərarın qəbulu birmənalı şəkildə TƏBİB-in səlahiyyətlərinə aid olan məsələ deyil:
“Başqa sözlə, koronavirusla əlaqədar qapanma və yaxud da yumşalma tədbirləri TƏBİB tərəfindən həyata keçirilmir. Nazirlər Kabineti yanında Operativ Qərargahın üzvü kimi TƏBİB yalnız müalicə və müayinə ilə bağlı tövsiyələr verir.
Bütün bunlarla bərabər,vurğulayaq ki, dünyada olduğu kimi, Azərbaycanda da karantin qaydaları insanların sağlamlığının qorunması üçün tətbiq olunur. Hətta bir çox ölkələrdə vaksinasiyanın başlamasına baxmayaraq, hələ də pandemiya ilə mübarizədə karantin qaydalarının tətbiqi zəruri hesab edilir. TƏBİB pandemiya ilə mübarizədə NK yanında Operativ Qərargahın qərarlarını icra edir və buna uyğun fəaliyyətini təşkil edir”.
KARANTİN REJİMİNİN SƏRTLƏŞDİRİLMƏSİNƏ EHTİYAC YOXDUR- RƏSMİ
SON DƏQİQƏ: TƏBİB ÖLKƏDƏKİ SON VƏZİYYƏTİ AÇIQLADI
Say ona görə artıb ki: Bu şəxslər də koronavirus xəstəsi kimi xəstəxanalara qəbul olunur – TƏBİB
“Özü öldü, ailə üzvləri isə xəstəxanadadır” – TƏBİB sədrinin də qohumları YOLUXDU
TƏBİB SƏDRİ CƏRİMƏLƏRDƏN DANIŞDI: “DAVAM EDƏRSƏ…”