Yaxın zamanda keçmiş köçkünlər üçün tikilən evlərin şəhid ailələrinə verilməsinə başlanılacaq.
Bu barədə Əmək və Əhalinin Sosial Müdafiəsi naziri Sahil Babayev ötən ilin yekunlarına və bu ilki sosial hədəflərə həsr olunmuş kollegiya iclasında çıxışı zamanı deyib.
O bildirib ki, hazırda Prezidentin göstərişi ilə mühüm bir proqram - keçmiş köçkünlər üçün tikilmiş mənzillərin şəhid ailələrinə verilməsi üçün həmin mənzillərin Əmək və Əhalinin Sosial Müdafiəsi Nazirliyinin balansına verilməsi işləri aparılır:
“Bu proses tamamlandıqdan sonra yaxın aylarda şəhid ailələrinə, müharibə ilə əlaqədar əlilliyi olan şəxslərə təqdim olunmasına başlanacaq”.
Xatırladaq ki, nazir 2020-ci il üzrə mənzillə təminat proqramında 1500 şəhid ailəsi və müharibə ilə əlaqədar əlilliyi olan şəxsin mənzillə və fərdi evlə təminatının uğurla icra olunduğunu qeyd edib.
Məcburi köçkünlər üçün tikilən evlərin aqibəti ilə bağlı VACİB AÇIQLAMA
il ərzində Qarabağ müharibəsi əlillərinə və şəhid ailələrinə veriləcək mənzillərin sayı 500 ötəcək
Şəhid ailələri və Qarabağ əlillərinə daha 100 mənzil verildi
“ŞA-İnşaatçı” MTK-dan şəhid ailələrinə və Qarabağ əlillərinə dəstək
Şəhid ailələrinə 11 min manat veriləcək - RƏSMİ