“Ermənistan Tovuz istiqamətində xaincəsinə hücum edib. Dörd azərbaycanlı qardaşımız şəhid olub. Əlbəttə ki, Azərbaycan Ordusu lazımi cavabı verib və düşməni geri oturdub”.
Bunu Türkiyənin Xarici İşlər naziri Mövlud Çavuşoğlu “TRT Haber”ə müsahibəsində deyib.
O bildirib ki, Ermənistan yeni toqquşma meydanı yaratmaqla, diqqəti işğal etdiyi ərazilərdən başqa istiqamətə yönəltmək istəyir.
“Ermənistan bu günə kimi münaqişənin siyasi həll yoluna yaxın durmayıb. Beynəlxalq ictimaiyyətin səmimi və qeyri-səmimi cəhdləri olub. Lakin Ermənistan indiyədək heç bir həll yoluna yanaşmayıb. Ermənistanın etdiyi qəbuledilməzdir. Ermənistan ağlını başına yığsın, Azərbaycan tək deyil. Biz Türkiyə Cümhuriyyəti və türk milləti olaraq bütün imkanlarımızla Azərbaycanın yanındayıq. Azərbaycanın ərazi bütövlüyünün qorunmasına əlimizdən gələn dəstəyi verəcəyik. Biz demişik ki, Azərbaycan Dağlıq Qarabağ münaqişəsi ilə bağlı hansı həll yolunu seçəcəksə, biz Azərbaycanın yanında olacağıq. Bu həssas bir cümlədir. Bunu bilərəkdən dedim”, – deyə Türkiyə XİN başçısı vurğulayıb.
ATESH,AZ
Çox təəssüf ki, Qarabağla bağlı... - Çavuşoğlu
Politoloq: Lavrovun dediklərindən sonra Ermənistan xarici işlər naziri istefa verməlidir
DAĞLIQ QARABAĞIN STATUSU MƏSƏLƏSİNƏ NƏ VAXT BAXILACAQ? – XİN AÇIQLADI
XİN: “BÜTÜN MƏSULİYYƏT ERMƏNİSTANIN ÜZƏRİNƏ DÜŞÜR”
AZƏRBAYCAN XİN-DƏN PAŞİNYANA CAVAB