Ankarada İŞİD-in 5 üzvü həbs edildi -Atəş.az

Türkiyənin paytaxtı Ankarada İŞİD terror təşkilatının 5 üzvü həbs olunub. Ankara Təhlükəsizlik İdarəsinin Terrorla Mübarizə Şöbəsi tərəfindən saxlanılan 8 nəfər dindirildikdən sonra məhkəməyə göndərilib. Şübhəlilərdən 5-i tutulub, 3-ü sərbəst buraxılıb. İstanbulda isə İŞİD-lə əlaqədə şübhəli bilinən 2 Türkiyə vətəndaşı və 15 əcnəbi saxlanılıb. Əcnəbilər deportasiya ediləcək. Saxlanılan Türkiyə vətəndaşlarından biri İŞİD-ə qoşulmaq istəyənlərə sığınacaq verib və terror təşkilatına yeni üzvlər cəlb edib. Misirdə isə qruplaşmanın 6 silahlısı zərərsizləşdirilib. Misir ordusu artıq iki ildən çoxdur ki, Sinay yarımadasının şimalında silahlı qruplaşmalara qarşı anti-terror əməliyyatı həyata keçirir.