hemlemedia.az saytı ONN medya agentliyinə istinadən yayımladı.
Heydər Əliyev Mərkəzinin təşəbbüsü ilə 26 iyun – Azərbaycan Silahlı Qüvvələr Günü münasibətilə konsert proqramı hazırlanıb. Dövlətimizin müstəqilliyini, suverenliyini və ərazi bütövlüyünü qoruyan, təhlükəsizliyini və müdafiəsini təmin edən Silahlı Qüvvələrin yaradılmasının 102-ci ildönümünə həsr olunan proqramın çəkilişləri Mərkəzin interyer və eksteryerində, tamaşaçı iştirakı olmadam aparılıb.
Konsertdə Xalq artistləri Brilyant Dadaşova, Zülfiyyə Xanbabayeva, İlqar Muradov, Əməkdar artistlər Manana Caparidze, Lalə Məmmədova, Nurlan Növrəsli, tanınmış müğənnilər Samirə Allahverdiyeva, Sevda Yəhyayeva, Günay İbrahimli, Ayaz Qasımov, Elnur Məmmədov və Elçin Cəfərov vətənpərvərlik mahnıları təqdim ediblər.
Proqramda Silahlı Qüvvələrin tərkib hissəsi olan Azərbaycan Ordusu və başqa silahlı birləşmələrin nümayəndələrinin, Qarabağ müharibəsi iştirakçısının fikirləri də əksini tapıb.
Konsert iyunun 26-da Azərbaycan Televiziyası (AZTV) və İctimai Televiziyada saat 21:30-da yayımlanacaq.
Türkiyə Azərbaycanı təbrik etdi
Türkiyədə Azərbaycan Ordusuna həsr olunmuş veriliş efirə gedəcək "BENGİ TÜRK"
Budapeştdə Azərbaycan xalq mahnılarından ibarət konsert olub
Dövlət Bayrağı Günü Qarabağ bölgəsində təntənə ilə qeyd edilib
Azərbaycan Silahlı Qüvvələrinin uğurlu Horadiz əməliyyatından 23 il ötür