Moskvadan Yakutska uçan S7 Hava Yollarına məxsus "Airbus A320neo" təyyarəsi Saxa Respublikasının Lenski rayonundakı Talakan hava limanında məcburi eniş edib.
Bu barədə "Telegram" kanalı məlumat yayıb.
Bildirilir ki, səbəb texniki nasazlıq olub. Heç kim xəsarət almayıb. İstintaq Komitəsi yol hərəkəti və hava nəqliyyatının istismarı qaydalarının pozulması ilə bağlı araşdırmalara başlayıb.
Məlumata görə, mayın 31-də saat 22:36-da "Airbus A320neo"nun ekipajı mühərrikin nasazlığı barədə məlumat verib və eniş tələb edib. Sərnişinlər ehtiyat reyslə təxliyə edilib.
Qeyd olunur ki, bu, artıq bir ayda havada üçüncü "S7" təyyarəsinin qəzaya uğraması halıdır. Mayın 18-də Novosibirskdən İrkutska uçan “Boeing 737-800” təyyarəsi eniş qurğusunda yaranan nasazlıq səbəbindən havaya qalxdıqdan dərhal sonra hava limanına qayıtmaq məcburiyyətində qalıb. Mayın 17-də Qorno-Altayskdan Moskvaya uçan 150 sərnişini olan daha bir "S7" sərnişin təyyarəsi Novosibirskdə məcburi eniş edib. "Airbus A320" mühərriki sıradan çıxıb.
Xatırladaq ki, "S7"nin problemləri hələ 2023-cü ildə başlayıb. Rusiyanın Ukraynaya müdaxiləsi ilə bağlı tətbiq etdiyi hava sanksiyaları öz təsirini göstərib. Xüsusilə, daşıyıcı Amerikanın ən son nəsil "P&W" mühərriklərinin təmirini təmin edə bilməyib. Bu səbəbdən "S7" yaşı üç ilə yeddi il arasında olan 39 "A320/A321neo" təyyarəsindən 31-nin fəlaiyyətini dayandırıb və həmçinin uçuş cədvəlini azaltmaq məcburiyyətində qalıb.
Türkiyə təyyarəsi bomba təhlükəsinə görə Buxarestdə təcili eniş etdi
XXI əsrdə minlərlə insanın həyatını itirdiyi dəhşətli aviaqəzalar
Türkiyə təyyarəsi havada tüstüləndi, bu şəhərə təcili eniş etdi
Rusiyada təyyarə qəzaya uğradı - Ölənlər var
Türkiyədə hərbi təyyarə təcili eniş etdi - Video